كتاب "اليوبيل الفضي لجائزة شربل بعيني" باللغتين العربية والانكليزية


صدرت، بعونه تعالى، الطبعة الورقية لكتاب "اليوبيل الفضي لجائزة شربل بعيني" باللغتين العربية والانكليزية، وتحتوي على كلمات وقصائد رائعة، بالاضافة الى ملحق ملون لصور تاريخية التقطت في الاحتفال. وسنرسل نسخاً من الكتاب الى الفائزين وكل من شارك في الاحتفال، بعد أن يزودونا بعناوينهم. ألف شكر وألف مبروك مجدداً.

زوار نحنا/ عصام ملكي

قصيدة الشاعرعصام ملكي كما نشرتها
مجلة صوت الشاعر بلبنان
قصيدة جديدة يهديها الشاعر عصام ملكي لصديقه الشاعر شربل بعيني، تضاف الى المئات من قصائد محبته وتشجيعه لشربل

يا شربل بعيني.. الوحي أسرع
بوصفك لأنو كاسك منكرع
الظاهر انت مجبول بالإحساس
بوجه الأوادم بابك مشرع
إسمك ذكرتو وشربت كم كاس
وقلت لأنا تا بشعر إتبرع
زوار نحنا متل كل الناس
ومتل الشجر يبيسنا منفرع
ولما النهايه بتنتهي بقداس
وبيصير بدو العظم يتفرع
بتصير بزره روحنا وبتطير
صوب السما تا بغيرنا تزرع


مختار بلدة مجدليا السيد الياس ابي خطار يسلم درع مجدليا للشاعر شربل بعيني




جائزة تقديرية للشاعر شربل بعيني من فرقة أرز لبنان الفلكلورية


بعيدها الأربعين، فاجأني مدرب فرقة أرز لبنان الفلكلورية الاستاذ إيلي عاقوري بزيارة الى مكتبي حاملاً شهادة تقدير لموقع الغربة الالكتروني، الذي يقدم الخدمات الاعلامية والاعلانية للجاليات العربية في أستراليا مجاناً.. همه خدمة الأدب والفن.. وأصحاب الأخلاق والوفاء. فألف شكر للصديق العزيز ايلي، وأؤكد له بأن الغربة ستظل عند حسن ظنه وظن أبنائنا في بلاد الانتشار.

تهنئة الشاعر حنا الشالوحي للفائزين بجائزة شربل بعيني لعام 2017


ـ1ـ
من جبيل يا حروف الهجائيه
بحرتي وع كل الكون سافرتي
وبالانفتاح ومَحُو الأميّه
نجحتي وعقول الناس نورتي
وع الجهل كنتي سهام مرميه
وخير الدّعا الأفكار حررتي
وثورة وعي ضد العبوديه
وحرية التعبير قررتي
يا جوانح الفكر الخياليه
شبقتي وعلى ابعد مدى طرتي
وبمدينة جبيل الفينيقيه
أسس إلك معهد عصام حداد
بحيثك بفجر جديد بشرتي
ـ2ـ
وشربل بعيني واكب التيّار
وع الأبجديه ونشرها بيغار
صاحب إذاعه بدنية الغربه
العم يسمعوها ويشكروها كتار
بتجلي هموم فكار مضطربه
وبتزرع الفرحه بِقلب الدار
وناس اللي كانوا بلغة الحربه
يتكلموا صاروا من الأخيار
ويا مغترب ضلك معي وقربي
تعرّف على شربل بعيني الصار
يزرع ورود بدربك ودربي
ونربح ع إسمو جايزه بتلبق
ع صدورنا للأبجديه شعار
ـ3ـ
بقصر الأونيسكو بهالسنه شفنا
نخبه من الشعّار والإعلام
الشعّار من خيرة معارفنا
رجال الوحي والشعر والإلهام
ويا ما مع "المسرح" تكيّفنا
ونسهر ع نغمة جوقتو وما ننام
ل "الياس" و"سعاده" تلهفنا
نسمع زجل ما سمعتو الإيام
ولجورج بو أنطون زقفنا
أشرف نقيب الرب عزو دام
ويا روبير خوري عنك عرفنا
داعم كيان الشعر مش هدّام
وصاحب مجلة شعر عرّفنا
عليها رجال الفكر والأقلام
ويا مية أهلا ومرحبا هتفنا 
بالإعلاميه الثغرها بسّام
ليليان.. وزياده تشرّفنا
بشوقي البـ فنو حقّق الأحلام
اتحدوا سوا وقالوا تحالفنا
نحنا و"بهيه" وصدرت الأحكام
والواجب بهالعيد كلفنا
بالجايزه مع شربل نعيّد
بيوبيلها الخامس وعشرين عام
**

MAA Honouring Charbel Baini

By Anthony Khouri
President - Mejdlaya Association Australia
Council General of Bungladesh

In his 1961 inauguration speech, United States President John F. Kennedy immortalised the following words. ''Ask not what your country can do for you. Ask what you can do for your country.''
In actual fact these words were those of the great Lebanese Poetic genius of Mr. Gibran Khalil Gibran.
With the full knowledge of the enormous, positive impact people from Lebanon have made and continue to make around the world, it gives me much pleasure to state that we the people from Mejdlaya, North Lebanon, are very proud of the fact that we also have our very own poetic and literary genius who is firmly stamping his mark on the literary world and whom I am not afraid to say, is in the same ilk as the famous Gibran Khalil Gibran.
This is a very special person who is very dear to our hearts and who over many, many years, has been recognised, applauded and awarded countless times around the world for his extraordinary work in the fine art of poetry and literature.

It is unfortunate that many times those closest to the high achievers of this world are the last to acknowledge their own. This time however, we the Mejdlaya family are extremely proud to acknowledge and honour our very own poetic and literary genius, a man who is very much a Son and an integral part of the Mejdlaya family and a man whom we all hold in the highest regard. He is with us here tonight and that man of course is none other than Mr. Charbel Baini.
Charbel, over the years, we have all listened to your beautiful words and you have touched the hearts of countless people from all walks of life who have been privileged to have read any of your many books or heard you recite your inspiring poetry.
We know that you have been awarded the highest literary awards throughout the Middle East and around the world and you have been the recipient of the greatest accolades from your peers and colleagues, all firmly attesting to your skill and talent; but here tonight, your Mejdlaya Family is going to say something very nice to you in the most simple of terms so that you will always know and understand exactly how we all feel about you and about your work and if your late parents were here tonight, I am sure that they would be even more proud of you now than they ever were before.
Charbel, I would like to say those words by presenting you with this plaque and it reads,
‘The Mejdlaya Association Australia proudly present to Mr. Charbel Baini In recognition of the many years of his extraordinary contribution to the art of Arabic poetry and literature.
Charbel you have made everyone from your home in Mejdlaya and Australia very proud.’
Congratulations and well done.
**
Anthony and Nabiha Khouri

كلمة محبة من الاستاذ بسام الفغالي

الأدب، الشعر الزجلي، الفنون على أنواعها. عاشت عرس الكلمة وعبق اللقاء، في إحتفال التكريم لنخبة من كبارنا المبدعين في مجمع الأونيسكو - بيروت. 
الداعي : معهد الأبجدية جبيل بشخص السيد سامي حداد. جمعية إنماء الشعر والتراث بشخص المتألقة الراقية د. بهية أبو حمد (المحضرة، المنفذة والداعمة)، و ميداليات التكريم بذكرى اليوبيل الفضي لجائزة شربل بعيني. 
إن محطات التقدير والوفاء تشكلان منبر فرح وثناء.. لمن رفعوا إسم لبنان عالياً. 

الشاعر انطوان عكاري يقدم احتفال جائزة شربل بعيني في الأونيسكو

القصيدة الإفتتاحيّة
ـ1ـ
حاسس كأنّي اليوم بجنينه
وأطيب فواكه طالعه بعيني
وحابب شي مرّة توّج الإيّام
وتظبط معي وتتحقّق الأحلام
بشي جايزه من شربل بعيني..
ـ2ـ
للأبجديّة هون في معهد
عن مجد حرف جبيل ما بيبعد
وللشعر عنّا وللتراث محلّ
وطلّة بهيّة وقت ما بتطلّ
بيتلوّن الورد وبيفوح الفلّ
بنورا البيدوّب تلج المجمّد
ـ3ـ
معقول عم إحكي أنا... وليليان
قبالي؟ قولولي بسّ شو بقلاّ
وبطلّتا أيلول صار نيسان
وقصر الأونيسكو كتير متحلاّ
وشوقي السجلّو بالفخر مليان
وبعالم الإبداع ما خلاّ
لا درع لا وِسام لا نيشان
إلاّ وعا صدرو حبّ يتدلا
وأنطون يا سعادة زجل لبنان
برج الشعر عا إيدك تعلا
يا مجمّع بدير الوحي رهبان
عبدو الكلمه من بعد اللّه
والياس يا لْ إسمك نبي خلقان
فوق الغمام بنار متجلاّ
سيفك الكلمة وعرشك القصدان
والمملكة بحضن السما محلاّ
وروبير إنت اخترت عن إيمان
تحمل عواميد الشعر كلاّ
تا رفعت لمجد الزجل بنيان
برفقة نقيب الكلّ عمرو كان
بقصايدو عيون الدنّي متلاّ
وتا يضلّ يبني بحكمة سليمان
بيكلّ منبر حطّ خشبة أرز
تا صار بالدنيي زجل لبنان
هيكلّ اللّي بقلبو الوحي صلا
**
تقديم الياس خليل
من البحتري وقيس وأبي تمّام
من الأخطل وبو الطيّب وعنتر
وكعب وزهير وعمر والخيّام
صيّغ زجل لبنان بالجوهر
شاعر إذا بينظم بيدقّو جراس
وبيرقّصو نجوم السما وعالرّاس
بيمسك على الدبكه أبو النوّاس
وبيكسر الريشه وبيكب الكاس
وبيقلّهن روحو جيبولي الياس
طالع عا بالي إسمع وإسكر.
**
تقديم جورج أبو أنطون
من حدّ روكز من حما الشحرور
مخاوى خليل ومخلص لأسعد
مربّا متل موسى بوكرو نسور
ولبطرس وإدوار شو تودّد
مقاسم طليع النهر والعصفور
ومع زين شعرو خالد مخلّد
وحنّا وأنيس وجريس المشهور
هوّي ورعد والسيّد وأحمد
هيدا النقيب لْ بالتعب مجبور
الزغلول شلّو بالقلب مقعد
عمرو لمجد شعر الزجل مندور
وبجران القلاعي الحكي عمّد
فضلو على الشعار عن بيدور
وعا قصايدو المنابر بتشهد
**
شوقي دلاّل
شوقي دلال قريت عنّو كتير
ولم جيت تا إحصي اللّي مكتوب
عدّيت كم في جايزة تقدير
ودرع ووسام وكم نخب مشروب
ضيّعت صابيعي عا كتر العدّ
لم شفت تاريخو غني هالقدّ
ومن حيث أرشيفو كتير كبير
صدّقوني لو قلت عن جدّ
بريو إيديّي... وسطّل الحاسوب
**
ليليان إندراوس
 لمّ بسمعا بحس الهوا بيرفّ
متل لْ مفرّخلو شي جنح ملاك
بلاقي الحكي متل العطر بيهفّ
والليل قايم يفتح الشبّاك
لا تجرّح الناي ولا تنقر دفّ
لا توجّع ربابه ولا تزقف كفّ
ليليان عالشاشه إذا بتطلّ
بتحسّ صوتا صار صوت الكلّ
لكلّ مشكله عندك في عندا حلّ
بتعرف بلا تسألك شو باك...
**
روبير خوري
مضيّع قصيده أو إسم ديوان؟
وشاعر بإسمو ما حدا بيسمع؟
بدّك حدا مأرشف زجل لبنان
ردّة وقصيده وخاتمه ومطلع؟
بدكّ لتاريخ الزجل عنوان؟
روبير خوري القصد والمرجع.
**
أنطوان سعاده
متل المحامي دارس قوانين
فنّ الزجل ومغيّب الأوزان
ومعتّق بروحو الخوابي سنين
بخمر الأصاله بجوهر القصدان
إسمو بياض التلج عا صنّين
وشعرو دخيره من زجل لبنان.
**

قصيدة الشاعر روبير خوري في حفل توزيع جائزة شربل بعيني

ـ1ـ
محلاك يا عطر الصداقه تضلّ 
شالح عبـيرك عا محبّيـنك
ومحلاك يا شربل بعين الكلّ 
كومة محبّه .. ورافـع جبينك
ـ2ـ
ويرحم ترابك يا عصام حداد 
الفاعل بدرب المعرفي وباقي
كنت بحيـاتك خـيرة الروّاد 
وجهدك عطانـا مجتمع راقي
ـ2ـ
واليوم ... ذكراك القلب مـلاّ 
من بعد ما قنديل عمرك ناص
وتركتـنا.. وصرت بحما الله 
سامي مكمّل دربك بإخلاص
ـ3ـ
التكريم حتى يضل عنّـا مجد 
غربل يا غربال الصدف غربل
ومتل الندي النازل عا زر الورد 
نزلت عليي جـايزة شربـل
ـ4ـ
كرّمت ناس كتير ... وتكرّمت 
من نـاس أثّر لطفهم فـيي
واليوم جـايزة شربل تسلمت 
من بهيه ... الغـاليي عليـي
ـ5ـ
الحملت لنا من سيدني أجمل سلام 
من شربل ومن جميل ومن عصام
ولو ما تكوني بتستحقي هاللقب 
ما كان سمّوكي سفـيره للسلام
ـ6ـ
يا شربل بعيني، يا غالي كتير 
بتكريمنـا .. انتعشت مشاعرنـا
تا جمعتنا في لاك فضل كبير 
الله يديمـك يـا حبيب الكـل
تـا تضلّ بالتكريم غامرنا...